Денеска во осминафиналниот меч на Австралија опен во женска конкуренција, втората носителка на турнирот Ига Швјонтек со 2:0 во сетови 6:0 и 6:3 триумфираше над Медисон Инглис.

Во борба за полуфинале полската тенисерка Швјонтек ќе се соочи со Елена Рибакина од Казахстан која со 6:1 и 6:3 ја елиминираше Елизе Мертенс од Белгија.

Австралија опен е единствениот грен слем кој го нема освоено досега Швјонтек во нејзината кариера. Има четири титули на Ролан Гарос, а по една на Вимблдон и САД опен.

САД сигурно ќе има претставник во полуфиналето, четвртата носителка Аманда Анисимова за противничка ја има шестата носителка Џесика Пегула.

Првата носителка Арина Сабаленка во четвртфиналната фаза ќе игра против Ива Јовиќ (САД), додека третата носителка Коко Гоф (САД) за пласман во полуфиналето за противничка ја има Елина Свитолина (Украина).