Јане Андерсон повеќе не е селектор на најдобрата шведска фудбалска репрезентација откако не успеа да обезбеди пласман на Европското првенство во 2024 година.

Швеѓаните во својот последен меч од квалификациите во неделата ја совладаа Естонија со 2:0.

Шведска заврши на третото место во групата „Ф“ со само 10 освоени бодови.

На континенталниот собир ќе играат Белгија кој освои 20 бодови, како и Австрија на втората позиција со 19. Во групата беа и Азербејџан (7) и Естонија (1).

Андерсон ја водеше репрезентацијата од летото 2016, стигна до четвртфиналето на СП 2018 и до осминафиналето на ЕП 2020. Сè уште не е познато кој ќе го наследи 61-годишниот Андерсон на тренерската позиција.

Ова е второ големо натпреварување по ред кое ќе го пропуштат најдобрите шведски фудбалери по поразот од Полска во финалето на плеј-офот за Мундијалот во Катар 2022.