Што им е најважно на современите родители за нивните деца?

деца училиште
фото: unspalsh

Што им е најважно на современите родители за нивните деца? Според најновите истражувања, образованието и однесувањето на децата во училиште им се на второ место по важност на родителите.

За околу 60% од родителите, поважно е нивното дете да има социјални вештини.

6 од 10 родители повеќе сакаат нивните деца да растат со оформени социјални вештини одошто академско образование. Истражувањето на 2.000 родители на деца на возраст од 3 до 10 години покажува дека скоро сите родители сметаат дека емпатијата е клучна социјална особина која треба да ја развиваат кај своите деца.

Друга вештина која родителите сакаат да ја развиваат кај своите деца, се разбирањето на сопственото однесување и неговите последици, разбирањето на туѓите ставови и способност за соработка со другите. Речиси 75% од родителите се загрижени дека пандемијата на коронавирусот може да влијае на социјалните вештини на нивните деца и комункацијата со другите – пренесуваат од „Index.hr“

Барби кукли
EPA/ROMAN RIOS

Невролозите од Универзитетот во Кардиф соработувале со еден од најпознатите брендови за кукли, и користеле техника на скенирање мозок, наречена near infrared spectroscopy, прегледувајќи ги ефектите од игрите со кукли. Тимот ја набљудувал мозочната активност на 33 деца на возраст од 4 до 8 години кои си играле со куклички. Истражувањето открива како играњето со кукли му помага на детето да развие емпатија, но и да креира улоги и да ги подобри своите социјални вештини.

Освен тоа, игрите со кукли се важен дел од развојот на детето без оглед на полот – тие се пример за активирање на говорниот апарат и идентификација со „суштество“ со кое може да се комуницира.