Шпанците веднаш го нападнаа Ѓоковиќ, како може тој да тренира? (ВИДЕО)
„АС“ се прашува дали има дозвола да го прави ова најдобриот тенисер на светот…
Новак Ѓоковиќ тренираше во Марбеља, а неговата „акција“ предизвика голема полемика во Шпанија.
Поголемиот дел од претходниот период, Србинот го помина во Марбеља, а понеделникот го искористи за тренинг на теренот.
Но, тоа во Шпанија е забрането да се прави до 11 мај, па оттука се прашува и еден од најпознатите шпански медиуми, „АС“, дали првиот светски рекет има дозвола за вакво нешто..
– Во теорија, спортските терени не можат да се отворат до првата фаза на попуштање на мерките, а тренинзите мора да бидат индивидуални. Шпанската тениска федерација во своето соопштение информираше дека никој, ниту професионалните тенисери, не можат да тренираат на терените. Така што нема дилеми, и Ѓоковиќ, кој не е шпански резидент, исто така треба да ги почитува правилата, како и секој приватен клуб – пишува „АС“.
Ѓоковиќ го објави ова видео на социјалните медиуми и се гледа како игра со пријателот и тренер, Карлос Гомез Ерера.