Денеска се одиграа два натпревари од петтото коло во Првата македонска лига, Шкендија беше убедлива кај Беласица (0:3), а Силекс загуби на гостувањето од Струга Трим Лум (2:0).

Шкендија која се подготвува за новиот предизвик во Лига Европа во второто квалификациско коло наредниот четврток (17. септември) во Романија против Ботошани, на стадионот „Младост“ во Струмица го оствари третиот триумф сезонава во шампионатот.

Сите голови беа реализирани во второто полувреме, за водство во 54 минута стрелаше Тотре, а сите дилеми околу победникот го реши Ибраими кој двапати се запиша во листата на стрелците за период од три минути (83`, 86`).

View this post on Instagram

FT ⏱ Belasica 0 – 3 Shkëndija ⚽️ Totre 53’ ⚽️ Ibraimi (P) 83’ 86’

A post shared by Shkëndija Football Club (@fcshkendija) on Sep 12, 2020 at 8:59am PDT

Струмичани и натаму се единствените без освоен бод во првенството со еден постигнат гол и 15 примени на дното на табелата.

И Силекс се подготвува за настапот во ЛЕ и дуелот во Скопје против косовската Дрита, но имаше неуспешна „генералка“ откако загуби со 2:0 на Градскиот стадион во Струга.

Стружани благодарение на Лена во 77 и Миленковски во 89 минута успеаја да слават против екипата од Кратово.

1МФЛ, 5. коло

Сабота (12 септември) –

Беласица-Шкендија 0:3
Струга Трим Лум-Силекс 2:0

Недела, 13 септември

16.00 часот
Пелистер-Македонија ЃП
Вардар-Шкупи
Ренова-Работнички
Борец-Академија Пандев

Табела: Шкендија 11 бодови, Силекс 10, Шкупи 10, Струга Трим Лум 7, Македонија ЃП 6, Работнички 5, Ренова 5, Пелистер 5, Борец 5, Вардар 4, Академија Пандев 3, Беласица 0.