Македонскиот вицешампион Шкендија на 23 јуни ќе ги започне подготовките за новата сезона во Словенија, каде што ќе одигра неколку контролни натпревари, меѓу кои и дуел против хрватскиот гигант Хајдук од Сплит.

Тетовскиот клуб во словенечката база ќе ја гради формата за претстојните европски предизвици и настапот во Конференциската лига на УЕФА, а натпреварот со Хајдук се очекува да биде еден од најсилните тестови во подготвителниот период.

Од Шкендија засега не ги откриваат сите противници за летните подготовки, но во наредните денови се очекува да бидат објавени и останатите контролни средби.

Минатата сезона тетовци ја завршија на второто место во Првата македонска фудбалска лига со освоени 74 бодови, девет помалку од шампионот Вардар.

ФК Вардар се спогодил со УЕФА да плати казна од 250.000 евра поради двојни договори

Фудбалерките со пораз ги завршија квалификациите за Светското првенство