Силното зимско невреме однесе шест животи во Полска, Швајцарија, Шведска, Словенија и Велика Британија, водушниот сообраќај во делови на Германија е прекинат, а стотина илјади домаќинства ширум северна Европа останаа без електрична енергија, јавува агенцијата „ДПА“.

Во скијачкиот центар Буковина Тарзанска во Полска загина 52-годишна жена и нејзината 15-годишна ќерка, откако силен ветер им го оддувал кровот на нивната куќа. Притоа тешко повредена е и една 21-годишна девојка, а 16-годишно момче претрпело повреди на главата.

Во Шведска еден маж го загуби животот, а втор е прогласен за исчезнат по превртување на нивниот чамец во езеро на југозападот на земјата. Чамецот се превртел поради силниот ветер, а по исчезнатиот маж трагаат хеликоптери.

Во јужна Англија загина 58-годишен маж откако врз неговиот автомобил паднало дрво кое било срушено од силниот ветер. Во делови и Британија врнеше дожд речиси цели 24 часа, а толкави количества на дожд во просек паѓаат во период од 45 дена. Бројни патишта се поплавени, и сообрќајот е ограничен на повеќе локации.

Во швајцарскиот кантон Фрибоург силен ветер оддува приколка на автомобил и дошло до судир на автомобили, несреќа во која загина 36-годишен човек.

Словенија исто така имаше сериозни проблеми, каде силен ветер вчеравечер направи хаос во североисточниот дел на земјата, сообраќајот беше прекинат, а многу домови останаа без електрична енергија. Едно лице загина кога врз автомобил паднало стебло.

На бреговите на Данска, Норвешка, Шведска и Финска нивоата на водата значително пораснаа. Поради невремето без екектрична енергија останаа жителите на Франција, Чешка, Полска, Велика Британија, Естонија и Латвија.

Кјара направи хаос во Европа (ВИДЕО)