Иранскиот министер за надворешни работи Мохамед Џавад Зариф изјави дека „планетата Земја ќе стане подобро место за живот“ по заминувањето на Доналд Трамп од претседателската функција во САД.

Зариф на својот налог на Твитер напиша дека штетите што ги нанел режимот на Доналд Трамп на човечкиот род не биле доволни за неговите екстремисти и нагласи дека „ова се последни срамни денови на Трамп“, пренесе државната иранска новинска агенција ИРНА.

– Тоа што Мајк Помпео ги означи Хутите како терористи со што го влоши хуманитарниот кошмар во Јемен со изнесување на военохушкачки лаги против Иран, покажува краен презир кон мирот, рекол Зариф.

Шефот на иранската дипломатија нагласи дека планетата Земја ќе биде подобро место без Трамп, како и без американскиот државен секретар, Мајк Помпео, пренесе ИРНА.