Шахпаска од Велес: На 15 јули одиме напред по патот на напредокот

Јагода Шахпаска

Шахпаска истакна дека е особено горда на социјалната реформа со која социјалната помош пораснала за 300 отсто, а се зголемил и опфатот на приматели.

На 15 јули, излезете и гласајте затоа што секој глас е важен. Затоа што се носат важни одлуки. Не се седи дома. Седењето дома, значи давање шанса за обнова на режимот и враќање на Груевски. Не смееме тоа да го дозволиме, порача носителката  на листа од коалицијата „Можеме” во ИЕ 3 Јагода Шахпаска на средбите со граѓани во Велес.

Таа посочи дека изминатите три години работеле посветено и сработеле многу. Истакна дека за нив секој граѓанин е важен и оти креирале политики од кои сите граѓани имаат директни придобивки.

Шахпаска се осврна на растот на минималната плата од 9.000 на 14.500 денари, растот на просечната плата за околу 5.000 денари, растот на пензиите за 1.700 денари за три години, воведувањето на државната социјална пензија од 6000 денари за лицата кои не ги исполнуваат услови за редовна пензија, растот на платите на лекарите и другите здравствени работници до 40 отсто.

Шахпаска истакна дека е особено горда на социјалната реформа со која социјалната помош пораснала за 300 отсто, а се зголемил и опфатот на приматели.

– Влезени сме во НАТО, сигурно чекориме кон ЕУ. Граѓаните препознаваат кој вложува во државата издигнувајќи ја на ниво на европски стандарди, вложува во луѓето, а кој краде безмилосно и работи исклучиво за лични и партиски интереси. Време е за нови иницијативи на кои се обврзуваме. Во следниот мандат можеме уште повеќе да постигнеме, бидејќи ги решивме најкрупните прашања што ни стоеа на патот. Продолжуваме да вложуваме во домашната економија и да се бориме за повеќе пари да завршуваат назад кај граѓаните – нагласи Шахпаска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот