Серена Вилијамс неодамна изјави дека „не е пензионирана“. Вилијамс, која наполни 41 година кон крајот на септември, се прости од професионалниот тенис на САД Опен.

Но, неодмна, за време на нејзиното појавување на емисијата „Дисрапт“ која е емитувана од онлајн-весникот „Теккранч“, Вилијамс разговараше со водителката Џордан Крук.

Кога Крук и кажа на Вилијамс дека ѝ се допаѓа тоа што го користи зборот „еволуција“ наместо „пензија“, Вилијамс ја прекина со изјавата: „Јас не сум пензионирана“.

На директното прашање дали има шанси повторно да ја видиме на теренот како игра, Вилијамс рече: „Шансите се многу големи, дојдете кај мене дома, имам терен“.

По САД Опен, Вилијамс се појави на шоуто на Џими Фалон, „Тунајт шоу“. За време на нејзиното појавување, Вилијамс изјави дека славниот квотербек Том Брејди „поставил неверојатен тренд“.

Имено, Брејди (45), кој настапува во американскиот фудбал, се пензионира во март годинава, но само 40 дена потоа се врати од пензија. Тој игра за Тампа беј.