Селекторот на Велс Белами очекува победа против Лихтенштајн, а средбата со Македонија „е поинаков натпревар“…
Крег Белами вчера го објави списокот на Влес за двата последни дуели од Квалификациите за СП 2026
Селекторот на Велс Крег Белами го соопшти списокот на неговата репрезентација во пресрет на последните два меча од Квалификациите за фудбалското СП 2026.
Препорачано
Велс игра на гости со Лихтенштајн на 15 ноември, а три дена потоа ја пречекува Македонија во последниот дуел од Квалификациите за Мундијалот. Тој дуел во Кардиф веројатно ќе решава за тоа кој ќе биде второпласиран во групата и по тој пат ќе оди во плејофот.
– Треба да победиме двапати. Лихтенштајн, очекуваме да победиме… Северна Македонија е поинаков натпревар, но чувствувам дека имаа среќа што не загубија. Верувам дека тоа се натпревари во кои ќе имаме многу посед на топката и мора да можеме да создаваме шанси од тој посед – изјави Белами.
Велс ќе настапи со речиси најсилниот состав во овие два дуели, информираат од тамошната фудбалска федерација.
Македонија и Велс во Скопје играа 1-1 со головите на Миовски (90+1) и на Брукс (90+6).
Милевски одбра за Велс: Македонија без Алиоски на клучниот дуел
