Јутјуберот Лаури Шо пред себе досега има поставено бројни предизвици, а најновиот предизвик на кој се посветил месец дена било да прави по 200 склекови и тоа секој втор ден. Го интересирало дали тоа ќе ја зголеми неговата издржливост и ќе направи видливи стомачни мускули.

Тој се одлучил на ваквиот предизвик бидејќи сфатил дека денот за одмор е многу важен, особено кога се во прашање предизвиците. На мускулните влакна потребно им е време за одмор.

View this post on Instagram

?

A post shared by Laurie Shaw (@laurie__shaw) on Mar 17, 2020 at 2:52am PDT

Првиот ден тој направил 30 склекови уште кога станал. Сите 200 успеал да ги совлада во 15 минути и 11 секунди.

После недела дена тој додал неколку варијации.

„Ми требаше дополнителен предизвик. И понатака правам 200, но ми треба повеќе време“, објаснил тој.

На крајот од месецот можел да направи 70 склекови одеднаш. За 200 пати му биле потребни 9 минути и 18 секунди, што е многу подобро од почетокот.

Што се однесува до видливоста на стомачните мускули, тој не бил многу задоволен.

„Иако разликата е видлива, таа е минимална, но дефинитивно се чувствувам подобро и повеќе фит отколку пред 30 дена“, заклучил тој.