Српската Н1 телевизија вчера цело време известуваше за протестите во Белград, кои започнаа по изјавата на претседателот Александар Вучиќ за враќање на полицискиот час поради влошување на епидемиолошка состојба.

Така, репортерите забележаа повеќе инциденти, меѓу кои и овој брутален напад кога полицијата опколи неколку демонстранти кои мирно седат на една од клупите во блискиот парк пред републичкото Собрание:

Видеото се прошири на сите социјални мрежи, а многумина забележија дека и покрај тоа што демонстрантите седеа мирно на клупата, а едниот од нив дури и ги крена рацете, тие сепак беа крвнички нападнати.

Ovaj lik je čak i digo ruke u vis pic.twitter.com/YMSxf6KQHB

— Mali Vladov (@drkucalo) July 7, 2020

Во еден момент полицијата се обиде да ја спречи и репортажата на Јелена Зориќ од Н1, која на полицаецот му одговори „Што правите, ние сме телевизиска екипа, во моментов Н1 оди во живо. Ова е јавен простор и снимаме што правите, ова е нашата работа, да снимаме и пренесеме што вие работите“:

Ne da Zorićka na se’?? pic.twitter.com/cGAnzjssCM

— SofronijeUE – ODGOVORNI (@SofronijeUE) July 7, 2020

На почетокот од демонстрациите полицијата со минимален број го обезбедуваше Собранието, но потоа беа зајакнати со луѓе, полициски кучиња и со коњица.

Полицијата на неколку наврати тепаше со пендраци и апсеше. Регистрирани се 13 повредени полицајци и 7 демонстранти.

Полицијата околу два часот наутро ги растера демонстрантите во Белград, за денес закажан нов протест (ГАЛЕРИЈА+ВИДЕО)