СЕ ПРЕТПОСТАВУВА ДЕКА ИМА ПСИХИЧКИ ПРОБЛЕМИ: Рускиот војник кој пукаше во своите колеги испразнил два шаржери
Рускиот војник Рамиљ Шамсутдинов, кој отвори оган на своите колеги и смртно застрела осум луѓе, тоа го направил изненадно, а откако испразнил цел шаржер, веднаш наполнил втор и продолжил да пука, раскажа неименуван извор кој е запознаен со ситуацијата, а пренесе „Вести-онлајн“.
– Двајца офицери и шест војници загинаа на лице место. Двајца други војници се ранети во рака и во стомак, а на еден куршум му поминал веднаш до главата – вели изворот.
За потсетување, инцидентот се случи синоќа во касарната 54160 во селото Горни, во Забајкалскиот крај на Руската Федерација.
Напаѓачот е уапсен, а во првата информација која излезе во јавноста се претпоставува дека станува збор за психичко растројство кај војникот поради негови лични проблеми, како и дека на ниту еден начин овој инцидент не е поврзан со воената служба.
Шамсутдинов е во руската војска од јули оваа година.