Се одржа првата фестивалска вечер на „Макфест“ на отворено: Учесниците и публиката ги почитуваат мерките! (ФОТО)
Вечерва во Штип се одржува 35. издание на најреномираниот музички фестивал во нашата земја, „Макфест“.
Оваа година за првпат во неговата историја фестивалот е пред најголемиот предизвик, а тоа е да се одржи и покрај пандемијата со коронавирусот и за првпат на отворено.
Наместо како и секоја година тој да биде во домот на културата „Ацо Шопов“, истиот се одржува на градскиот плоштад „Слобода“, каде постојат услови за почитување на мерките поради вирусот.
Вечерва беше одржана првата и ревијална вечер на која настапија неколкумина досегашни победници и учесници на фестивалот, додека утревечер е финалната и натпреварувачка вечер.
На сцената утревечер ќе настапат доста нови, но и афирмирани изведувачи, меѓу кои: Пере и Нокаут, Драган Спасов – Дац и Александар Митевски, Биба Додева, Димитар Андоновски, Ѓоко Танески и неколку други.
Екипата на „Слободен Печат“ и утревечер ќе присуствува на фестивалот.