15 C
Скопје

Се одложува Австралија Опен?

Тенисот се уште се опоравува од пандемијата на коронавирусот, а проблемите со вирусот можат да создадат вистински хаос на почетокот од наредната сезона.

Јуниорскиот Австралија Опен веќе е откажан, а сениорскиот може да биде преместен за март или април.

Причината за ваквите шпекулации на медиумите се одлуките на австралиските власти за „локдаун“ како и ригорозните правила за сите кои доаѓаат од страна.

Сè уште голема непознаница е дали на тенисерите ќе им биде дозволено за време на двонеделниот карантин да го напуштат хотелот и да тренираат и да се подготват за стартот на грен слем турнирот чиј старт засега останува 18. јануари идната година. Дел од најдобрите тенисери се заканија дека доколку не им биде овозможено да тренираат додека се во карантин, сериозно ќе размислат дали да патуваат во Мелбурн, со што се става притисок врз здравствените власти во Австралија но и самиот организатор.

Шпанскиот „АС“ пишува дека турнирот најверојатно ќе мора да се одржи во март или април, но директорот на Австралија Опен, Крег Тили е убеден дека ќе се игра тенис на лето.

На, најмладиот континент летото трае од декември од февруари, што значи дека засега не се размислува за промена на терминот.

– Ги продолжуваме со локалните здравствени власти за мерките поврзани со карантинот. Се надевам дека наскоро ќе дојдеме до решение. Мораме да водиме сметка за потребите на тенисерите и тенисерките, навивачите, спонзорите но и за безбедноста. Мислам дека овој турнир е многу важен за економијата на сојузната држава Викторија, но и за цела Австралија. Сакаме што побрзо да дојдеме до конечен договор за играчите да знаат што да прават. Верувам дека ова лето во Австралија ќе има врвен тенис – вели Тили.

Поврзани вести

Распоред и саатници за ЕП 2022: Еве кога играме со Данска, Црна Гора и Словенија!

Слободен печат

ВИДЕО: Филмско сценарио на патарина, „Балистите“ ги провоцираа фудбалерите на Вардар!

Слободен печат

Лисабон во „пол-позиција“ пред Лондон да го организира финалето во ЛШ?!

Слободен печат

ФОТО+ВИДЕО: Најубавата спортистка на светот во дресот на Јокиќ – тој е МВП!

Слободен печат

Недвед: Пирло и Роналдо ќе останат во Јувентус

Слободен печат

Кавани потпиша нов договор со Манчестер јунајтед

Слободен печат

Остави Коментар