Гонзало Игуаин вечерва се очекува да ја напушти Аргентина, што значи дека целокупниот состав на Јувентус би можел да тренира заедно до почетокот на јуни.

Фудбалерите кои се вратија во Торино од странство мора да имаат 15-дневен карантински период (помеѓу нив и Кристијано Роналдо), проследено со земање на брис (двапати) и еднаш тест на крвта за да се осигурат дека не се заразени од КОВИД-19.

Игуаин доби лична дозвола да отпатува во својата родна земја, бидејќи неговата мајка има рак.

Важечкиот договор на Аргентинецот со „Старата дама“ истекува на 30 јуни 2021 година.

До прекинот на сезоната, во Серија А имаше учинок од пет голови во 23 натпревари.