Цел сандак полн со пчели завршил во контејнер со ѓубре во Скопје. По социјалните мрежи од утрово се шири видео на кое се гледа голем контејнер во кој има стотици пчели кои излегуваат од сандакот. Граѓаните во паника се плашат од убодите, а пчелите избезумено излегуваат меѓу кесите со смет. Коментарите под фотографијата и видеото се многубројни, за едни ова е сквернавење на природата бидејќи ако нема пчели ќе нема живот.
„Ова го немам видено за овие 52 години живот, ова е пчеларник фрлен до контејнери. Не знам и не се разбирам што се прави, ако не сакаш веќе да одгледуваш пчели, можеби се дава, се продава пчеларникот, но знам дека никако во ѓубре не се фрла. Алергии од каснатини, многу се на едно место, може и да се налутат, убоди…..а самите пчели?- коментираат граѓаните.
Изгледа тој што ги фрлил не видел нигде што значат пчелите за опстанокот наш и на друг жив свет- стои во еден од коментарите.