Ни пристигна летото и вистинските тропски горештини, па доколку сте љубители на полесната храна без јаглени хидрати, или сте на кето-диета, тогаш ова е вистинскиот оброк за вас. Но и доколку не сте, направете си ја, одлична е за секого!

Кетогената или кето диета е посебен начин на исхрана кој подразбира драстично ниско ниво на внес на јаглени хидрати и зголемен внес на масти и соодветен внес на протеини.

Салатата со пилешко, јајца и кашкавал е преполна со протеини и содржи минимален удел на јаглени хидрати, па затоа е идеален оброк за сите оние кои сакат да се хранат во склад со кетогената диета.

Потребни состојќи за салатата:

– 1 помала пилешка шницла
– половина авокадо
– 1 јајце
– 1 домат
– 1 зелена салата
– кришка козји кашкавал
– малку млад кромид (по желба)
– масло, оцет, сол и бибер

Подготовка на салатата:

Сварете го јајцето. Пилешката шницла испечете ја на тавче или обарете ја. Измијте ја салатата, доматот и авокадото, па исецкајте ги на мали парчиња. Печеното пилешко исецкајте го на коцкички. Јајцето излупете го и исечете го на тркалца. Исецкајте малку кромид, а доколку не го сакате, тогаш избегнете го. Сите состојки ставете ги во голем сад, зачинете со масло, оцет, сол и бибер и добро измешајте, на крајот изрендајте козји кашкавал.

Уживајте!