Садик Кан по трет пат избран за градоначалник на Лондон
Садик Кан, кандидат на Лабуристичката партија е избран за градоначалник на Лондон по третпат.
Кан беше прогласен за победник пред кандидатката на конзервативците Сузан Хол во саботата попладне, со 43,8 отсто од гласовите.
Но, својот победнички говор го одржа со исвиркувања.
„Ви благодарам од дното на моето срце, ти благодарам Лондон. Тоа беа тешки неколку месеци. Се соочивме со кампања на нон-стоп негативност“, изјави тој во Градското собрание, а пред да помине низ бината еден хулиган извика „Кан го уби Лондон“.
Кан додаде дека ќе биде градоначалник на сите жители на Лондон без разлика дали гласале за него или не.