Сабаленка е првата финалистка на Австралија Опен
Белоруската тенисерка, Арина Сабаленка се пласираше во финалето на Австралија Опен.
Сабаленка која во Мелбурн ја брани титулата во полуфиналето беше подобра од Коко Гоф со 2:0 во сетови (7:6, 6:4). Мечот на „Лајвер арената“ траеше еден час и 44 минути.
Втората тенисерка на некој начин со овој триумф и се реваншираше на Гоф за поразот во финалето на УС Опен минатиот септември.
Првиот сет донесе големи возбудувања и одлични поени. Беа видени дури шест брејкови пред да се влезе во тај-брејк каде што Сабаленка го покажа својот квалитет и со доминанта игра го освои со 7:2.
Двете тенисерки во вториот сет го чуваа својот сервис во првите осум гемови, а потоа Белорусинката стигна до брејк и поведе со 5:4, за потоа да го потврди пласманот во уште едно финале.
Во второто полуфинале денеска се сретнуваат Украинката Јастремска и Женг од Кина.
Huge congratulations to @SabalenkaA who has blasted her way to another @AustralianOpen final. A brilliant match and a great advert for Womens Tennis both players giving it their all and hitting the ball so hard.
Sabalenka still hasn’t even lost a set! 👏pic.twitter.com/ITPzfrcaCj
— Pavvy G (@pavyg) January 25, 2024