Шефицата на Обвинителството за гонење на Организиран криминал и корупција, Вилма Русковска, во вечерашното гостување во емисијата „360 Степени“ на Алсат зборуваше и за материјалите доставени од Антонио Милошоски со кои тврдеше дека има докази за вмешаност на премиерот Зоран Заев во аферата „Рекет“.

„Сѐ беше дадено на вештачење, диктафон и телефон…беше дадено во компјутерска форензика, во рамки на МВР. Тоа е екстрахирање на податоци, на кратко го викаме – вештачење, се работи за екстрахирање на податоци и потоа се анализираа тие екстрахирани податоци, при што, немаме сѐ уште официјална одлука и таа ќе биде објавена. Од она што успеав да го прочитам е дека се работи за повеќе разговори кои се…, на пример, еден прекинат, па потоа друг разговор е продолжението…така што ќе се донесе резолуција за отфрлање на тие пријави“, изјави Русковска.