Официјална Москва соопшти дека руски трупи ја презеле контролата врз градовите Бердјанск и Енерходар во југоисточна Украина, пренесе ДПА.

Бердјанск се наоѓа на Азовското Море и неговото заземање веќе било пријавено од украинската страна. Енерходар се наоѓа северозападно од пристанишниот град Мариупол. Неговото заземање не е потврдено од Украинците.

Ова го соопшти портпаролот на руското Министерство за одбрана Игор Конашенков кој направи и преглед на воените напади од почетокот на инвазијата рано во четвртокот.

Оттогаш се уништени се 1.100 воени објекти, рече тој, а погодени се и 314 тенкови и други воени возила, како и 57 ракетни системи. Оваа информација не може независно да се потврди, напоменува ДПА.

Во источниот регион на Донбас, сепаратистите поддржани од Русија напреднале уште 19 километри. Оваа информација, исто така, не може да биде потврдена од независен извор.