Русија и Хрватска ќе играат во финалето на Дејвис Купот
Тениската репрезентација на Русија е вториот финалист во Дејвис куп натпреварувањето откако денеска во второто полуфинале во Мадрид ја совлада Германија со 2:0.
Триумфот на Русија и го донесоа Андреј Рубљов и Данил Медведев, така што резултатот во двојки нема да има значење за конечниот исход.
RTF are into their first Davis Cup final since 2007! 🌟#DavisCupFinals #byRakuten pic.twitter.com/lBlwq5lrSR
— Davis Cup (@DavisCup) December 4, 2021
Противник на Русија во финалето ќе биде Хрватска која вчера со 2:1 ја совлада Србија.
Рубљов денеска го одигра најдобриот меч во овогодинешното издание на Дејвис купот и во два сета со 6:4,6:0 го победи Доминик Кепфер.
Во вториот меч, Данил Медведев ја оправда улогата на фаворит против Јан Ленард Штруф и за 65 минути игра славеше со 6:4,6:4.