Пандемијата на коронавирусот не затвори во домовите, па сè поретко одиме во супермаркетите. За среќа, постојат вкусни рецепти кои с еподготвуваат брзо и лесно, од најосновни намирници кои ги имаме во фрижидерот.

Ви даваме предлог да подготвите тестенини со грашок и сланина.

Потребни ви се основните намирници кои веројатно веќе ги имате, половина килограм тестенини, 3 шаки замрзнат грашок и сланина исечкана на тенки ленти. По желба, и малку кашкавал.

Подготовка 

Сварете ги тестенините во лонец полн со солена вода. Околу две до три минути пред крајот на варењето, во истата вода додадете го грашокот. Потоа, се заедно исцедете, и сочувајте околу 2 дл течност.

Сланината пропржете ја на тава, на тој начин таа ќе додаде интересна нота на вкус. Ако случајно ви се наоѓа жалфија, на маснотијата од сланината во тавчето пропржете два три листови жалфија (но, не морате).

На истата маснотија додадете ги тестенините и грашокот и 2 дл течност во која претходно се вареа. Убаво измешајте. На крајот додадете ја и сланината.

Сервирајте во чинија и на врвот изрендајте по желба малку кашкавал.