Роналдо брка светски рекорд на мечот против Унгарците
Според денешниот распоред на Европското првенство се играат натпреварите од „групата на смртта“ (Ф). Првиот е од 18.00 часот помеѓу Унгарија и бранителот на титулата Португалија на „Пушкаш“ Арената во Будимпешта, а вториот е помеѓу Франција и Германија од 21.00 часот на „Алијанц“ Арената во Минхен.
Пред да се соочи со Германците и актуелниот светски првак Франција, Португалците денеска ќе ги одмерат силите на гостински терен кај Унгарците кои сигурно ќе имаат голема поддршка од трибините.
Унгарија во неверојатен натпреваар од доигрувањето во квалификациите за Евро 2020, го совлада Исланд со 2:1, иако имаше негатива до 88 минута.
Пет години после титулата на Португалците на ЕП во Франција, составот на Фернандо Сантош има доста играчи кои се во врвна форма, додека Кристијано Роналдо е на само пет голови до светски рекорд кога се во прашање головите за репрезентацијата. Светскиот рекордер е Али Даеи кој во 149 настапи за Иран успеа да реализиран 109 голови.
Роналдо на минатото ЕП против Велс имаше гол со што се израмни со рекордот на легендарниот Мишел Платини по бројот на погодоци на Европските првенства. Двајцата моментно имаат по девет голови, а Роналдо денеска против Унгарците ќе го брка 10-от за испишување нова историја.
ВИДЕО: Роналдо поради „Кока-Кола“ направи шоу на прес конференција!