ВИДЕО: Роналдо поради „Кока-Кола“ направи шоу на прес конференција!
Првиот натпревар Португалија, актуелен европски шампион, на континенталниот собир ќе го одигра денеска од 18.00 часот во Будимпешта, а противник е репрезентацијата на Унгарија.
Во истата група „Ф“ на Европското првенство, се наоѓаат уште селекциите на Франција и Германија кои ќе се соочат во Минхен од 21.00 часот во дербито на колото.
За мечот Унгарија – Португалија унгарскиот главен град овозможи целосен капацитет на стадионот, а се очекуваат околу 60.000 навивачи.
Пред дуелот се одржа прес-конференција на која еден од најискусните во редовите на Португалите, Кристијано Роналдо имаше свое „шоу“.
По пристигнувањето во прес-зоната, Португалецот веднаш ги отстрани шишињата „Кока-Кола“, која е една од спонзорите и имаше само една кратка порака: „Пијте вода“.
Познато е дека Роналдо води многу здрав живот, а реакцијата од прес-конференцијата веќе стана хит на социјалните мрежи.
Cristiano Ronaldo was angry because they put Coca Cola in front of him at the Portugal press conference, instead of water! 😂
He moved them and said "Drink water" 😆pic.twitter.com/U1aJg9PcXq
— FutbolBible (@FutbolBible) June 14, 2021
Новинарите присутни на прес-конференцијата беа заинтересирани и што ќе се случи со неговиот клупски статус и дали ќе остане во Јувентус и следната сезона.
Но, веднаш стана јасно дека Роналдо не е расположен да зборува за Јувентус и тој јасно рече дека во моментов е фокусиран само на репрезентацијата на Португалија и на Европското првенство.
– Играм на врвно ниво веќе 18 години, но тоа не е проблем за мене. Да имав 18 или 19 години сигурно немаше да спијам од возбудата и да размислувам за својата иднина. Сега ситуацијата е поинаква. Имам 36 години и сега не ми е важно дали ќе останам или ќе го напуштам Јувентус. Што и да се случи, ќе биде најдобро за обете страни. Сега сум фокусиран само на ЕП и сакам да го освојам. Оптимисти сме и сакам да имам позитивно размислување од првиот до последниот натпревар – рече Роналдо.
Да потсетиме, Португалците на овогодинешното Евро ја бранат титулата освоена во 2016 година во Франција.
Германците со нетрпение го очекуваат дуелот со светскиот шампион