Амбасадата на Грција во Скопје организира проекција на играниот филм „Божиќното танго“ во режија на Никос Кутелидакис (2011, 142 мин.). „Божиќното танго“ е дел од серијата филмски проекции насловена „Ајде да се запознаеме“, која се реализира со цел да се прикажат современи грчки филмови кои биле одлично прифатени од публиката во Грција, но и во странство.

Базиран на најпродаваниот роман на Јанис Ксантулис, „Божиќното танго“ е романтична драма која се одвива за време на подготовките за Божиќниот бал во еден грчки воен камп во 70-тите години на минатиот век. Поручникот Стефанос Караманидес е еден строг војник кој има само една желба – да ја покани на танц својата тајна љубов, Зои, сопругата на полковникот Манолис Лонгос.

За остварување на таа цел, Караманидес ќе побара помош од еден млад, срамежлив и чувствителен војник од Лазарос да му одржи часови по танго. Нивната кратка, но пресудна средба ќе биде поттик за низа настани кои ќе кулминираат со танго…

„Божиќното танго“ раскажува еден ден кој ќе ги промени засекогаш животите на тројцата главни ликови. Филмот постигнал голем успех на кино благајните и добил три награди од Грчката филмска академија.

Проекцијата на филмот ќе се одржи во Кинотеката на Северна Македонија на 6 декември (петок), со почеток во 19 часот. По проекцијата, публиката ќе има можност да постави прашања и да добие одговори за филмот од продуцентот Јанис Ексиндарис. Влезот на проекцијата е бесплатен.