Роберт Левандовски, 37-годишниот полски напаѓач, му е понуден на Милан како засилување за следната сезона. Неговиот договор со Барселона истекува на лето, што значи дека би можел да пристигне на Сан Сиро без надомест.

Во време кога Милан бара искусен напаѓач за да ги зголеми своите амбиции, доаѓањето на еден од најдобрите стрелци во неговата генерација претставува примамлива можност, пишува Gazzetta.it

По Борусија Дортмунд, Баерн и Барселона, Левандовски сака уште еден предизвик во еден од големите европски клубови, а Милан се појавува како привлечна дестинација. Неговите агенти активно истражуваат опции, а Милан, кој се стреми да се врати на врвот на Европа, совршено се вклопува во тие планови.

Полјакот би го решил проблемот со неефикасноста во нападот на третопласираниот тим од Серија А. Оваа сезона тој постигна 12 лигашки голови за Барселона и вкупно 17 во 39 натпревари.

Покрај „росонерите“, и Јувентус исто така е заинтересиран за услугите на Левандовски веќе долго време.