Легендарниот холандски фудбалер Арјен Робен објави дека ќе ја прекине пензијата и ќе игра за Гронинген, тимот во кој ја започна професионалната кариера.

OFFICIAL: @fcgroningen have confirmed they have signed Arjen Robben for the 2020/21 season. pic.twitter.com/vWQIazCFuR

— Squawka News (@SquawkaNews) June 27, 2020

– По 18 години се враќам во Гронинген. Го подржував клубот за време на кризата и размислував како можам да бидам од поголема корист. Разговарав со челниците на клубот во изминатите недели и ги послушав барањата на навивачите да го следам срцето. Се надевам дека ќе се видиме многу брзо – изјави Робен.

Арјен Робен има 36 години, а се повлече на крајот од минатата сезона кога со Баерн триумфира во Бундеслигата и во германскиот Куп.

Неверојатната кариера на Робен започна во 2000 година токму во Гронинген по што следеше трансфер во ПСВ Ајндховен (2002-2004), а потоа и во Челси. Холанѓанецот на „Стемфорд бриџ“ се задржа три години (2004-2007) пред да се пресели во Реал Мадрид (2007-2009), а од 2009 година е фудбалер на Баерн Минхен со кого гиоствари најголемите успеси и во 2013 година триумфира во Лигата на шампионите.

Во дресот на холандската репрезентација, одличното лево крило одигра 96 натпревари и постигна 37 гола, а играше на три Светски првенства.