Стефан Ристовски кој против Ерменија ја носеше и капитенската лента бидејќи Пандев не беше во првиот тим, во победата најде замерки, но не за неговите колеги туку за теренот на Националната Арена „Тодор Проески“.

– Ќе бидам краток. Сакам да им честитам на момците, за мене не се ова само три бода, туку имаат вредност на злато. Можеби од страна и не изгледаше фудбалски добро, но на ваков терен подобро и не е возможно. Ако треба да играме на ваков терен, тогаш нека ни кажат и да одиме да играме на друг стадион. Ова е срамота. Зборуваме за Македонија која сакаме да игра на Европско првенство. Со недели сме затворени во карантини за да дојдеме и да „изгинеме“ во националниот дрес, а не пречекуваат со ваков терен – изјави Ристовски.