Рецепт за евтин и здрав ручек – пилешко полнето со спанаќ и фета-сирење
Ви претставуваме рецепт за полнето пилешко месо, со спанак, лук и фета-сирење.
Овој рецепт може да се подготви и во тавче или на скара, но ние ја одбравме најлесната верзија која оди во рерна, па затоа рецептот е одличен и за почетници.
Состојки:
– 2 парчиња пилешко филе
– 100 г спанаќ
– 150 г фета-сирење
– чешне лук
– маслиново масло
– 100 г презла
– 50 г путер
– сол, бибер
Подготовка:
Загрејте ја рерната на 180 степени. Посолете и забиберете го пилешкото филе, потоа со остар нож пресечете го така што ќе му направите џеб во кој ќе го ставите филот.
Во тавче на маслиново масло загрејте го исецканиот бел лук и спанаќот, кратко колку само спанаќот да овене. Исцедете го од течноста која ја испуштил и помешајте го со издробеното фета-сирење.
Наполнете го претходно направениот џеб во пилешкото филе и по потреба затворете со чечкалица со цел при печење да не се растекува. Внимателно извалкајте го во презла, наредете го во плех и прелијте го со растопен путер.
Печете 25 минути и послужете го топло со салата по избор.
