Албанскиот премиер Еди Рама на својот Фејсбук-профил објави видео-запис на кој во еден момент е прикажана мапа на која Косово е прикажана во рамките на соседна Србија, пренесе РТС.

– Изгледа дека покрај Србија на Вучиќ, Косово „не го признава“ ниту албанскиот премиер Еди Рама, кој овој месец повеќе пати ги напаѓаше косовските политичари во одбрана на својата и иницијативата на Александар Вучиќ за „Мини Шенген“ – пишува Газета експрес.

Според пишувањата на Газета ескпрес, Рама користел мапа на која се прикажуваат вложувањата во водоводната мрежа во Албанија на која може да се забележи дека Косово е во составот на Србија.

Меѓутоа, увидувајќи дека поради оваа грешка е можен скандал, Рама интервентирал така што снимката е повторно монтирана за да не се гледа целата мапа, заклучува приштинскиот медиум.