Радовишанецот К.Е. на негов сограѓанин му издал потврда за направен ПЦР-тест како лажен доказ дека е негативен на Ковид-19, притоа давајќи му во прилог и лажна фактура со фискална сметка за извршена наплата од 5.500 денари, соопшти полицијата.

ОВР Радовиш поднесе кривична пријава против 54-годишниот осомничен, поради постоење основи на сомнение за сторени кривични дела „посебни случаи на фалсификување исправа“ и „фалсификување или уништување на деловни книги“.

„Во текот на 2021 година во Радовиш, К.Е. на лице од Радовиш издал ПЦР тест дека е негативен на Ковид-19, притоа давајќи му во прилог на тестот и фактура со фискална сметка за извршена наплата од 5.500 денари и за тоа дека тестот претставува оргинален документ издаден од овластена клиника. Подоцна, од клиниката било потврдено дека документацијата е лажна“, се вели во полициското соопштение.