3 C
Скопје

Работнички од Свети Николе се водат како Ковид позитивни и се затворени дома и по 35 дена!

Вработена во прехрамбена индустрија во Свети Николе пак, тврди дека 35 дена е затворена дома со решение за изолација.

Работнички во текстилна индустрија во Свети Николе кои биле позитивни на првиот тест на коронавирусот и по 35 дена се затворени дома а полиција секој ден ги контролира бидејќи според решението од Државниот здравствен инспекторат не смеат да го напуштат домот.

Меѓутоа, после 14 дена во изолација, не им било закажано тестирање, па тие се чувствуваат ,,затворени” и ,,заглавени” зашто ниту можат да го напуштат домот, ниту некој доаѓа да ги тестира и да провери дали се негативизирале.

,,Слободен печат” стапи во контакт со жена од Свети Николе која првиот позитивен тест го добила на 9 јули.

-Имав еден позитивен тест за коронавирус, со многу благи симптоми. Само два дена го загубив чувството за мирис и вкус. Но, и 18 дена после тој прв тест, никој не дошол да ме тестира повторно, ниту пак смеам да излезам од дома. Децата ми ги чува свекрвата а сопругот ми е во болница. Го губам веќе трпението. Зошто сум затворена дома подолго од 14 дена и никој не доаѓа да ме тестира? Во Центарот за јавно здравје ме препраќаат во тој во Велес, а од Велес си ја префрлаат топката во Св. Николе. Нема кој да ми закаже тест. Има многу жени што сме затворени дома од истата дата сме тестирани. Како да излезам кога сум во регистар на заразени а неизлечени и затоа што не сум правела тестови кои треба двапати да излезат негативни и уште сум под надзор секој ден – прашува пациентката.

Прочитајте и...  Може ли културната размена да биде лек против некултурната политика?

Таа е револтирана што животот и е ставен на пауза.

-Нели е срамота што сме затворени дома? Пет души се јавија седи дома, не смееш надвор а сега каде се? Нели 14 дена се седи во изолација, петнаесеттиот ден треба да правиш прв тест, а после два три дена втор контролен тест? Ние во кои пациенти спаѓаме, заборавени седиме дома веќе 18 ден и никој ниту се јавува ниту не повикува да правиме тест. Не сум си ги видела децата и многу ми е тешко – објаснува таа.

Вработена во прехрамбена индустрија во Свети Николе пак, тврди дека 35 дена е затворена дома со решение за изолација.

„Триесет и пет дена сум дома. Шести ден чекам за резултат од вториот тест. Првиот ми е негативен. Ако ви е за утеха на вас што сте дома само 18 дена“, пишува втора жена која се жали за истата проблематика.

Прочитајте и...  Утре без струја дел од општините Карпош и Сарај

Поврзани вести

Владимир Јанковски: Парадоксално е што се граничиме со Албанија и Грција, а малку знаеме за нивната книжевност

Александра Бубевска

Околу 2,5 милиони Американци вработени во ресторани останале без работа минатата година

Слободен печат

Николовски: Со Регистарот на вистински сопственици ќе откриваме кој реално профитира од работата на компаниите

Слободен печат

Бил Гејтс: На социјалните мрежи се шират луди и злонамерни теории на заговор

Слободен печат

На инфективните одделенија во земјава се лекуваат 320 пациенти, слободни кревети има

Слободен печат

ВИДЕО: Десетина мигранти се обидоа да ја ограбат „Зара“ во Белград, обезбедувањето им се спротистави

Слободен печат

Остави Коментар