Екипата на Работнички игра фантастично во вториот дел од сезоната и во петте кола има четири победи и само едно реми притоа освојувајќи 16 од можните 18 поени.

Последен тим на кој „романтичарите“ го зедоа скалпот е шампионот Шкендија која е совладана со 0:1 во Тетово. Голот вреден три бода го постигна Давид Тошевски во 53. минута.
Шкендија со поразот падна на третото место на табелата со 35 бодови, додека пред неа се најде Силекс кој во финишот со голот на Ивановски во 85. минута се спаси од пораз на гостувањето кај Шкупи.

Киксот на Шкендија го искористи Вардар кој со 1:0 ја совлада Струга Трим Лум и сега има 11 бода предност пред Шкендија, а 10 пред Силекс. Победничкиот гол беше дело на Новак во 69 минута.

Резултати 23. коло:
Академија Пандев – Ренова 0:1
Македонија ЃП – Борец 0:2
Шкендија – Работнички 0:1
Шкупи – Силекс 1:1
Вардар – Струга ТЛ 1:0