Првите дами станаа супермодели на нашата ера
Тие не се само претседателски сопруги и жени во сенка ангажирани во хуманитарна работа. Задачата на првите дами е да бидат амбасадори на својата земја и да ги урнат предрасудите за недопирливите и строги шефови на држави.
Врската помеѓу модата и политиката е посилна сега од кога било, се разбира благодарение на Џеки Кенеди која беше првата модна икона од политичкиот живот. Но сепак, тоа е неблагодарна улога – размерна равенка на политика и дипломатија, која е од суштинско значење при изборот на гардероба што мора да им угоди на сите, да пренесе аура на умерена посветеност, разбирање за семиотиката на стилот и прилично „дебела“ кожа за да се спротивставите на светот во време кога „секој е критичар“.
View this post on Instagram
Многупати се зборува дека зад секој силен маж стои уште посилна жена и светот им аплаудира на иконските жени што се испрвија пред „незгодниот“ предизвик да се биде прва дама.
Денешните модерни жени живеат сè подобар општествен живот, излегуваат од вообичаените улоги и секојдневно се трудат да добијат повисок квалитет на живот, но првите дами се чини навидум дека сè уште се обврзани со истите митски очекувања за „совршената домаќинка од 50-тите години“ – од нив се бара целосно да ги поддржат одлуките на своите партнери, „да го нахранат светот“, „да создадат мир во светот“ и притоа да изгледаат убаво, модерно и допадливо.
View this post on Instagram
Првите дами станаа супермодели на нашата ера – мешавина од мека моќ, слава и мода и се важна поткрепа на нивните сопружници.
Од Карла Бруни, преку Мишел Обама, кралицата Летиција, Меланија Трамп, кралицата Ренија од Јордан, Шеика Моза од Катар, Брижит Макрон, па до Сања Мушиќ Милановиќ, првата дама на Хрватска, сведоци сме за ефектот што нивниот беспрекорен изглед го има врз допадливоста во јавноста, но и потврда на добрата стара изрека дека „облеката може да се купи, но не и стилот“.
Во тој контекст можеме да бидеме среќни и задоволни што токму и нашата сегашна прва дама Елизабета Ѓоргиевска достоинствено и репрезентативно нè претставува пред очите на јавноста, како дома така и, уште поважно, низ протоколарните средби низ светот.
Со префинето, очигледно вродено чувство за стил, став што зрачи со сигурност, елегантно но не и здодевно, ненаметливо, но доволно шик за да биде забележано и запомнето, секое појавување на г-ѓа Ѓоргиевска е речиси без исклучок секогаш проследено со пофални коментари.
Достоинствено, ненаметливно и оригилано, секогаш заемно усогласениот претседателски пар со својата појава праќа визуелна порака за доверба, сигурност и авторитет.
