Прва лига: ТФТ е пречката на која падна Пелистер!
Во дербито во Првата македонска кошаркарска лига составот на ТФТ со резултат 97:82 триумфираше над Пелистер. „Црно-белите“ од Тафталице имаа феноменална трета четвртина (30:13), која беше најава за големата победа над лидерот.
Екипата дебитант, која за прв пат игра во друштвото на најдобрите, му го зема скалпот на најдобриот тим во овој момент во Првата лига. На ТФТ му појде рака да биде подобар од екипата која досега имаше осум триумфи по ред, без ниту еден пораз.
Кај стрелците во победничките редови доминираше Андерсон со 23 поени, иако имаше дури пет загубени топки, а на спротивната страна 21 поен и шест асистенции беа дело на Вилијамс.
Во другите заостанати мечеви од третото и четвртото коло денеска беа постигнати следните резултати: Црн Дрим-ФМП Академија 65:85, Кожув-Вардар 86:82 (по 1 продолжение) и Гостивар-Куманово 91:83.
Табела: Пелистер 17 бодови, ФМП Академија 15, ТФТ 13, Гостивар 13, Работнички 12, Еуро Никел 11, Куманово 11, Црн Дрим 11, Вардар 10, МЗТ Скопје 9, Кожув 8, МЗТ Скопје Уни Банка 7.