Промоција на две изданија на списанието „Филозофска трибина“ ќе се одржи во КИЦ
Филозофското друштво на Македонија на 23 март, со почеток во 19.30 часот, организира промоција на двата последно излезени броеви на списанието „Филозофска трибина“ (31. & 32.) во Културно-информативниот центар – Скопје. Пригодна промотивна реч за списанијата ќе одржи проф. д-р Ристо Солунчев.
Во „Филозофска трибина 31“ се поместени 10 авторски текстови на тема „Филозофската мисла во Македонија“, други два авторски текстови, како и по еден текст од рубриките Студентски форум и Средношколски форум.
„Филозофска трибина 32“ ја сочинуваат 9 авторски текстови на различни релевантни философски теми, два преводи, по еден текст од рубриките Студентски форум и Средношколски форум, три прикази на книги и поширок осврт кон 12. Филозофски филмски фестивал.
Двете изданија беа поддржани од страна на Министерството за култура и можат да се најдат во книжарниците „Или-Или“, „Култура“ и „Буква“.