Премиерот Заев и сопругата во друштво со принцот Едвард (ФОТО)
По повод посетата на неговото височество, принцот Едвард во Република Северна Македонија, премиерот Зоран Заев и неговата сопруга беа дел од пригодната вечера која беше организирана синоќа, соопштија од Владата.
На вечерата, премиерот Заев и принцот Едвард се задржаа во куси разговори со гостите, дел од стипендистите на академската програма Чивнинг на Велика Британија, претставници на организации што работат со деца и младинци, претставници на помладата генерација претприемачи од бизнис заедницата, претставници на организации со програми за човекови права, како и со претставници на граѓанските организации.
Во своето обраќање, неговото височество принцот Едвард, се заблагодари за топлиот прием во земјата при неговата повторна посета.