Шкотската премиерка Никола Старџон ја посочи идната есен како термин за новиот референдум за независност на Шкотска од Обединетото Кралство. Старџон истакна дека „би сакала да ги види граѓаните како гласаат на почетокот на мандатот на новиот парламент, наесен во 2021 година“.

Шкотланѓаните на референдумот во 2014 година со тесно мнозинство се изјаснија да останат во Обединетото Кралство, но националистите истакнуваат дека ситуацијата значително ја променил референдумот за раздружување на Британија од Европската Унија во 2016 година, кога значително мнозинство гласачи во Шкотска беше за останување во европското семејство.

Анкетите сега покажуваат дека на евентуален нов референдум повеќето Шкотланѓани би гласале се за независност. На регионалните избори во мај в година, Шкотската национална партија (СНП) на Старџон ќе настапи со кампања за организирање нов референдум.

– Сакам да одлучиме за независност на почетокот на новиот мандат. Јас не одбивам ништо, не гарантирам ништо, но можно е гласањето да се одржи есента 2021 година – изјави премиерката Старџон.

Британскиот премиер Борис Џонсон смета дека референдумот од 2014 година „дефинирал цела генерација“ и дека таа одлука треба да се почитува во блиска иднина.