Англија оваа сезона има дури шест претставници во Лигата на шампиони на УЕФА, но почетокот на осминафиналето не им донесе многу радост. Ниту еден од нив не успеа да оствари победа на првите натпревари, а дури три екипи претрпеа убедливи порази.

Вчера беа поразени Манчестер сити и Челси. Тимот предводен од Пеп Гвардиола загуби со 3-0 од Реал Мадрид, додека лондонските „сини“ се вратија од гостувањето кај Пари Сен Жермен со пораз од 5-2.

Единствен кој избегна пораз беше Арсенал, кој ремизираше 1-1 на гостувањето кај Баер Леверкузен. Лондонскиот тим до израмнување стигна во самиот финиш од натпреварот, и тоа од пенал кој предизвика бројни реакции.

И во вторникот англиските клубови немаа подобар учинок, забележаа два порази и едно реми. Најтежок пораз претрпе Тотенхем, кој на гостувањето кај Атлетико Мадрид загуби со убедливи 5-2. Пораз доживеа и Ливерпул, кој со минимални 1-0 беше совладан од Галатасарај.

Блиску до победа беше Њукасл, но ја испушти во судиското продолжение. По направениот пенал, Барселона успеа да израмни на 1-1 и да избегне пораз.

No Premier League team managed to win their first-leg tie in the Champions League Round of 16 😳 pic.twitter.com/WnjhdwqouD

— Football on TNT Sports (@footballontnt) March 11, 2026