Правилото за пет замени ќе важи и следната сезона
Оставено е на секоја поединечна асоцијација да одлучи околу тоа дали ќе сака да го примени правилото во своите натпреварувања.
Меѓународниот одбор на фудбалските федерацииа (ИФАБ) потврди дека клубовите уште една година ќе можат да го применуваат правилото за пет замени во текот на натпреварите.
Правилото кое се применува од мај е со цел да се избегнат што повеќе повреди кај играчите после долгата пауза поради пандемијата на коронавирус, се заштити здравјето на фудбалерите.
Се очекува натпреварувањата да завршат во текот на 2020 година. Поради ситуацијата со Ковид-19 клубовите се под посебен притисок, па така ќе можат да го користат правилото за пет замени до 31 јули 2021 година.
Five-substitute option extended into 2021 in response to COVID-19 pandemic
➡️https://t.co/geULA8ZvSn pic.twitter.com/UxSRg6dAvU— FIFA Media (@fifamedia) July 15, 2020
Оставено е на секоја поединечна асоцијација да одлучи околу тоа дали ќе сака да го примени правилото во своите натпреварувања. Од друга страна, правилото доби и критики, бидејќи ги штити големите клубови кои имаат посилна клупа.
На пример во Премиер лигата во текот на гласањето за примена на правилото, наиде на критика од одредени клубови како Астон Вила, Борнмут, Шефилд јунајтед и Вест хем.
За поголем број европски лиги сезоната ќе започне кон средината на септември, што значи дека паузата меѓу двете сезони ќе биде скратена.
ЛШ ќе стартува еден месец подоцна , календарите ќе бидат згуснати, а за клубовите ќе биде додатно тешко да ги склопи домашните и европските натпреварувања.
Покрај тоа, ФИФА гарантира дека УЕФА ќе има два додатни датуми за меѓународните натпревари, што значи дека поголем број на репрезентации ќе играат осум мечеви во два термини во октомври и ноември.
