Пратениците го изгласаа Законот за стратешки инвестиции

Законот, како што рече во образложението министерот за економија Крешник Бектеши, ќе овозможи слободно движење на стоки, услуги и капитал, еднаков третман на домашните и странските инвестиции.

Собранието попладнево, во рамки на 130. седница, со мнозинство гласови го донесе Законот за стратешки инвестиции во Република Северна Македонија.

Законот, како што рече во образложението министерот за економија Крешник Бектеши, ќе овозможи слободно движење на стоки, услуги и капитал, еднаков третман на домашните и странските инвестиции, како и рамномерен регионален развој во државата. Сепак, клучно е, потенцира, што постапката за секоја следна стратегиска инвестиција ќе биде исклучително транспарентна.

Пратениците, пак, ги спротивставија ставовите. Оние од владејачката партија укажаа на транспарентноста што ја спомна и Бектеши, како и на низата други придобивки, додека нивните опозициски колеги оценија дека законот не е системски, ниту стратешки, туку решение по нарачка и во неговото донесување препознаа „ујдурма”.

Прочитајте и...  Над 63 милиони случаи на коронавирус во светот од почетокот на пандемијата

– За секое стратешко инвестирање во државата ќе има лек специјалист, односно дека секоја инвестиција ќе биде регулирана со посебен закон, донесен во Парламентот и изгласан од пратениците. Предлог-законот за стратешки инвестиции се однесува и на стратешките инвестиции кои имаат импакт врз развојот на регионот во целина. Државна помош ќе добие секоја инвестиција вредна повеќе од 100 милиони евра која ќе се спроведе во две или повеќе општини, секоја инвестиција над 50 милиони евра во урбани општини и секоја инвестиција над 30 милиони евра во рурални средини, објасни Бектеши.

Според Антонио Милошоски од ВМРО-ДПМНЕ, овој закон е доказ дека Владата досега имала неуспешна политика во однос на странските инвестиции и недостатоци во системот на нивното привлекување.

Прочитајте и...  ВО ЖИВО: Изјава на министерот за правда Бојан Маричиќ

– Ова е најофицијалниот документ со кој се признава слабата реализација на странските инвестиции од Владата на СДСМ и ДУИ. Таа не го искористи претходниот систем кога од 2007 – 2017 година тука дојдоа многу светски компании и работеа врз основа на постојните закони. Три години се пропуштени во привлекувањето странски инвестиции, рече Милошоски.

Неговиот сопартиец Влатко Ѓорчев ја нарече земјава „темен вилает” зашто, како што оцени, овие три години не е дојдена, ниту една странска инвестиција.

– Терате закон по итна постапка во техничка влада. Кој треба да земе пари од ова? Која ујдурма сте ја смислиле 20 дена пред распуштање на ова Собрание и зошто ако законот е европски не го донесовте уште првиот ден кога дојдовме на власт? Ништо не ви веруваме, ни вам ни на Заев ни на неговите министри, истакна Ѓорчев.

Прочитајте и...  Втората руска вакцина „Епиваккорона“ ќе биде достапна на пазарот од следниот месец

Пратениците од владејачкото мнозинство во овој контекст посочија на разликите меѓу сегашниот и претходниот начин на привлекување инвестиции. Рекоа дека во времето на ВМРО-ДПМНЕ со многу високи суми, пари на граѓаните, се плаќаа економски промотори кои не постигнале соодветен резултат.

Во рамки на 130. седница претходно беше донесен и Законот за изменување и дополнување на Законот за Собранието.

Поврзани вести

ВО ЖИВО: Изјава на министерот за правда Бојан Маричиќ

Слободен печат

Премиерката Старџон најавува: Идната есен нов референдум за независност на Шкотска

Слободен печат

Шеесет годишен пациент со ковид-19 скокнал од третиот кат на болницата во Тирана

Слободен печат

480 лицазаболени од Ковид-19 се лекуваат во Скопје, 816 во болниците низ Македонија

„Епл“ во Италија е казнет со 10 милиони евра

Слободен печат

Ангеловска-Бежоска: Монетарната политика останува релаксирана за поддршка на економското закрепнување

Слободен печат

Остави Коментар

MacedonianAlbanian