Деновите поминати во карантин предизвикан од коронавирусот за повеќето луѓе беа тешки и неподносливи. Но, истовремено така добивме повеќе време да се посветиме самите себе

Американката Тифани Хадиш во интервју за списанието „People“ откри како успеала да изгуби 18 килограми. Својата нова фигура, како што вели таа ја добила благодарение на секојдневното вежбање од период од 15 минути, а имало денови и кога вежбала по два часа.

Познатата 41-годишна комичарка вели дека инспирација за нејзината посветеност на здравата исхрана и вежбањето ѝ била поранешната атлетска ѕвезда Флоренс Грифин Џојнер, која сè уште го држи светскиот рекорд како најбрза жена на сите времиња.

„Кога започнав со интензивно вежбање во мислите ја имав Фло-Џо и дека сакам да имам тело како нејзиното“, признава комичарката.

Покрај секојдневното вежбање, Хадиш се придржувала и на здравата исхрана.

„Денес јадам многу повеќе зеленчук што го одгледувам во мојата градина и се обидувам добро да се потам секој ден. Се обидувам да танцувам околу пет до десет минути на ден. На крајот на краиштата, процесот на достигнување на витката линија треба да биде забавен“, вели Тифани.

Хадиш откри и како го користела времето во карантин, размислувајќи за сопствениот живот, за минатото, тешките периоди и нејзината борба со бездомништво и недостатокот на храна.

„Немав покрив над главата и бев гладна, а тоа е ситуација во која никогаш не би сакале да се најдете. Откако конечно најдов излез од тоа, почувствував огромно олеснување и почувствував дека треба да продолжам да работам и да создадам можности за други луѓе, за тие никогаш да не се најдат во слична ситуација“, открива американската комичарка која конечно нашла стабилност во својот живот и денес ужива деловен успех.

„Благодарна сум за сите искуства што можев да ги соберам низ годините. Отсекогаш верував дека ќе дојдат подобри денови за мене и дека она што моментално го доживувам може само да ме направи посилна и поподготвена за нешто повеќе. Болката што ја чувствував ме подготви за успех“, вели Тифани.