Гори трска во Струга, во близина на индустриската зона во градот, потврди за МИА командирот на Територијалната против пожарна единица, Фети Мазари.

Пожарот, како што информира, бил пријавен по 17 часот, по што на терен излегол тим со едно противпожарно возило.

– Зафатена е мала површина трска, пожарот е ставен под контрола. На терен е екипа со едно возило, изјави Мазари.

Палењето површини со трска на крајбрежниот појас во Струга е пракса која се повторува секоја пролет.