Од 1 јануари, вработените во Германија ќе добиваат најмалку 13,90 евра на час, наместо сегашните 12,82, но голем број граѓани сметаат дека зголемувањето е недоволно, објавува ДПА, пренесува Феникс магазин.

Во репрезентативна анкета на Институтот ЈуГов, 40 проценти од испитаниците оцениле дека минималната плата, дури и по зголемувањето, е донекаде или целосно недоволна. Од друга страна, 17 проценти од 2.200 испитаници од репрезентативниот примерок оцениле дека минималната плата треба да биде донекаде или значително пониска.

Минималната плата исто така ќе се зголеми на 1 јануари 2027 година на 14,60 евра на час. Почнувајќи од следната година, ќе се зголеми и ограничувањето за мини-работни места ослободени од данок, од сегашните 538 на 603 евра месечно.