Повеќе нема да слушаме песни за скршеното срце на Адел: Се спогоди со сопругот поради синот Анџело!
Планетарно популарната пејачка Адел се согласи да не пишува песни поврзани со нејзиниот поранешен сопруг Симон Конецки.
Своето скршено срце Адел го „лекуваше“ во минатото со песни и оствари бројни хитови, но тоа нема да биде случај откако се разведе од Симон Конецки. Притоа постигнат е договор дека таа нема да пее песни поврзани со нејзиниот брак, од почит кон нејзиниот поранешен партнер.
Поранешната двојка на оваа тема се спогоди овој месец, две години откако се разделија и секој си тргна по свој пат.
„Скршеното срце и помагаше на Адел да продава албуми со години, но оваа разделба е сосема поинаква. Двајцата се свесни дека нивниот син Анџело треба да биде заштитен, па Адел се согласи да не пее песни за нивната врска. Нејзиниот нов албум ќе биде поразличен, па затоа не и пречеше премногу тоа што Симон побара нивната врска да не биде дел од нејзините нови песни. Тоа е показател за почит“, изјави извор близок на пејачката.