Хрватското Министерството за земјоделство доби извештај за позитивен резултат за серотип 8 на болеста син јазик, пренесува Индекс.

„Вирусот е потврден со молекуларно тестирање во примерок земен од говеда од подрачјето на општина Хрваце во Сплитско-далматинската жупанија. Истото укажува дека говедата биле во контакт со вирусот на син јазик, но не се забележани клинички знаци што би укажувале на наведената болест. Со оглед на моменталната циркулација на овој серотип во Словенија и Северна Македонија, Италија, Португалија, Шпанија, а во текот на 2024 година беше потврден и на територијата на Швајцарија. Се очекува понатамошно ширење на овој серотип на територијата на Република Хрватска, особено поврзано со фактот дека болеста се пренесува преку комарци и на поголеми растојанија“, наведува соопштението.

Болеста син јазик е вирусно заболување кое ги напаѓа преживарите (овци, кози и говеда), а се пренесува преку инсекти Culicoides, кои се заразуваат со вирусот кога цицаат крв од инфицирани животни. Не се пренесува од животно на животно и не постои ризик по здравјето на луѓето. Болеста различно се манифестира кај различни видови животни, во најтешка форма се јавува кај овците