Потпис на денот: Горецка го продолжи договорот со Баерн
Германскиот репрезентативец Леон Горецка (26) го продолжи договорот со Баерн Минхен, објави баварскиот тим.
Препорачано
Актуелниот договор на Горецка со Баерн Мнхен му истекуваше идното лето, но „баварците“ не дозволија да им се повтори грешката со Давид Алаба од ова лето, и се договорија за нов четиригодишен договор.
– Во изминатите три години освоивме се што можеше да се освои. Но, тоа што е уште подобро од освојувањето на титули е потврдување и повторување на овие успеси. Токму тоа сакаме да го направиме во наредните години – изјави Горецка по потпишувањето на договорот.
Германскиот репрезентативец на „Алијанц Арената“ пристигна во 2018 година и на 118 натпревари постигна 25 гола и имаше 26 асистенции.
Тој во својата кариера три пати триумфираше во Бундеслигата, два пати го креваше пехарот во германскиот Куп, три пати во германскиот Суперкуп, а има триумф и во ЛШ, УЕФА Суперкупот и Светското клупско првенство.
